昨晚終於o係OK換左o個隻白色的リラッ熊
本身我爭30分, 買夠$40雲糕之後抽中ge分數都只係得15分
所以我仲爭15分先夠100分換細隻geリラッ熊
諗住下次再繼續抽...
點知個收銀姐姐拉住我隻手示意我唔好走住
然後佢自己係收銀櫃檯後面抽左包積分貼紙出來
係個「5分」黎ge...於是佢就貼左張5分去我個catalog度....
係我多謝緊佢送左5分俾我ge時候...
佢竟然再抽多張俾我!!!!
今次係10分
即係剛好夠100分可以換個杯 / 一隻リラッ熊
最後我揀左白色o個隻

呢個姐姐真係好人..... T^T (感淚.....)
不過....我仲係好想要那隻20吋geリラッ熊.....X_X""""

今日得知同事 Flora係3日內已經抽中左第2隻喇!!!!!!!!!!!!
哇~~~~~~~救命呀~~~~~~~~ 正到爆... x0x"""
佢話如果佢再抽中第3隻的話就俾左我.....
唔知可唔可以照計等多3日到今個星期五就抽中呢!?!!?!
啊~~~~~~~~~~~~ 係就好喇....快d出現第3隻啦~~~~~~~~~~ /(*0*)\

活力香港, 宣傳東亞運動會....OuO"
(以上張相被話我動作不雅!!! = =+ 但其實我係為左防止不雅而做呢個動作........) 

以上GE都係好正經GE相...不過以下GE就開始發癲了.....

話明數到"3"就要好興奮咁款架嘛....
典知睇返D相我先知隔離GE摺妤同玩玩都係原封不動...............-_-|||

本身係想6個都翻白眼
但最後我做左死士.................

影得唔錯....

真係天堂與地獄......

食左「忘我」.....

我地係度"YO"緊....

畢業(扮)狂歡中.....

呢張相被說成...有很多怪物係入面....

o係又一城~~ 出發去PolyU!

融....合!!!!!

PolyU出現童黨欺凌事件!!!!!!!

起來!!! 不願做奴隸的人們.....

多謝兩位義工攝影師 Damon & Abby !!!!
唔係得佢地ge忍辱負重(?)...又點可能睇住我地癲左成半日都冇半句怨言!?

^^ 有難う御座いました！

10/31-11/1 這兩天的早上我都去了返Temp Job
Job Position 係香港賽馬會的國際小輪賽車的「禮儀小姐」
兩日來都要好早起床 (一日5點半,一日6點)
不過就好準時到達位於葵芳的車場了


第一天去到就比較多工作要負責
主要係開幕禮方面有多d野要幫手
不過完左個開幕儀式之後就有段時間可以休息下
首天跟我同樣是「禮儀小姐」ge有另外5個女仔
第二天就剩下我跟另外2位了

左起: Michelle / 轉轉 / 我

兩日來開幕禮都有政界及藝能界人物出場
第一日有周星馳先生出現!!!
我細細個睇左佢咁多戲...都未見過佢ge真人
今次竟然係毫無預料之下知道佢會出現
真係一個suprise...
而第二日就來了郭晉安與陳敏之
陳敏之ge真人原來好高架...@.@"

除了開幕禮之外
還有頒獎時間
我們都要負責安排嘉賓上台以及交獎牌及花束給嘉賓再頒俾得獎車手
兩日都係大約做到下午2點左右就可以離開
不過第二日ge工作量比第一日ge更加少
所以....我同另外兩位小姐都係stand by ge時候... 去左釣魚................o.O"

釣魚時俾Michelle偷拍了....╮(╯▽╰)╭

今次的Uniform是這樣的了~*

第二日因為空餘時間多d, 所以係場地周圍影下相留念

有些車隊的選手要求跟我們合照

第2日頒獎前有段小插曲
一位國際冠軍瑞士男車手與亞軍的厄瓜多爾選手圍住我地3個搭訕起來
佢地問我 how old. 我叫佢地估下
佢問係唔係18歲!! hahaha... then I san YES XDD
後來佢竟然話有間 room. 問我去唔去....=口=""""
我O咀咁問佢: "A room!??"
佢就話只係食個Dinner而已....
當時有好多工作人員及嘉賓都係隔離
因為選手係行到來終點站個頒獎台準備去領獎的....
正當我唔知可以點應佢呢個"邀請"時
HSBC的大粒野歐小姐就剛好走埋來同佢打招呼兼握手
咁我先避過劫!!    汗(￣口￣)!!


換完衫拎完薪水準備走之際
又係office外撞到個亞軍車手
佢又問我: "Do you come with me?"
我就同佢做個Bye Bye要走人ge手勢...then 閃左...

昨晚去左藍馬豪庭替那位新學生----王太補日文
首先去到樓下大閘ge時候
已經見個管理員好有禮貌地替我開門
我同佢講我係上18/F, 佢微笑並點一點頭, 但不語
佢個表情好似話我聽佢一早知道我會嚟咁...
似乎王太已經跟保安員講定左我會來補習ge事.....
然後保安員用一張卡替我開動部lift... (高科技...o.O") 再替我按下18/F....(真係好服務)
上緊去ge時候...我已經簡覺到呢處真係「卧虎藏龍」

定係我大鄉里呢...


lift 門一開....我只係見到一個大門口.......
然後樣衰衰咁搵唔到人地個門鐘.... (因為太細粒!!!)
大門一開,嘩........ (開始想爆粗)
典解咁大...咁先進似的!???
眼前係開揚ge客廳, 有個露台+大梳化 + 大電視
右邊係客廳,仲有度同塊牆ge顏色花紋一樣ge書房門... (王太唔推門入去我都完全睇唔到原來嗰度有間房..-_-")
左邊有個吧台.......(好難係市區可以見到有吧台ge屋.....=_=)
吧台後有個廚房
同書房度門一樣,又係冇人推度門都完全睇唔到原來嗰度有個廚房.........


雖然我冇詳細參觀過
但我相信呢間屋至少有4間房... (未計書房,每個房似乎都有廁所)
真係嘩嘩聲..................汗(￣口￣)!!


補習前去個toile先
入到去坐係馬桶上
眼前就出現左部TV....
真豪華...不過當時我諗到ge係... 佢地邊看TV邊上大號...唔會痾屎唔出ga咩!??? (可能係我唔得而已 =_=)
去完廁所就要洗手!洗手!洗手!
但我望住個洗手盆嗰刻....我發現我咁大個人第一次....係唔識洗手架!!!!
典解? 因為我剩係見到個洗手盆, 前面正中間有個棒形GE掣, 左上方有個類似自動簡應水龍頭GE物體
但個類似自動簡應水龍頭離個洗手盆都有後距離
冇理由會係用來洗手....(LAST知道係用來放梘液的)
於是我繼續搵個水龍頭係邊
最後我按下中間那個棒形GE掣
係電光火石的一瞬間
我GE左上方 (在那個自動簡應梘液機與洗手盆之間) 突然申左條水龍頭出來.......!!!!!! ε(￣□￣)3||
我被嚇左一下之後...就伸對手埋去諗住佢自動有水出...
典知咩事都冇發生.................T____T
於是我係咁用隻手周圍"樣"
test下唔同地方...究竟今次個簡應器會係邊度架!!!???
"樣"極都係...冇水出............-_-"

最後...唯有樣衰衰咁...去完廁所冇洗手就行出去...
一打開度廁所門就見到王太
「err..我....」我未問完佢, 佢已經話:「呀~我要教你點洗手」
似乎都有人試過係唔識洗手架......................
原來中間個掣按下去係彈個水龍頭出來
而向前壓就會出水!!!!!
啊.....唔該晒王太......



真係大開眼界...(⊙_⊙;)

10/10 (六) 與Elaine去了海馬公園哈佬喂
當日下午一起在歌德吃了Lunch
再去潮特打個白鴿轉
之後先坐地鐵去金鐘再轉巴士入去


係"大事灣"門口已經見到好多擺賣哈佬喂飾品的攤位
我地係門口都磨左陣先入場-.-"

兩條友毫不客氣地試戴唔同款色ge帽影相....

呢頂環豬格格係最平...$20
但因為我地發現好多頂上面d蝴蝶花花貼紙都甩到所剩無幾
因此打消左買佢ge念頭....

你想點呀!?!?!? 我問你呀!!!! 你啞ga!??!!! 答我呀!!!!!! 你信唔信我叉爆你對眼呀!?!!??.....
(開始痴線...-_-)

呢位小男生自已戴私伙野來
我地當佢係d扮鬼扮馬人士要求佢同我地影張相....

當日我地total玩左5間鬼屋
排隊期間仲有show睇 (搵人跳舞+扮明星...都幾搞笑!!)
而且今年仲比之前多左d鬼係公園範圍行來行去, 又突然嚇你等等
d氣氛真係唔錯!!
我俾隻外星異形嚇左3次....-_-"
又有個忍者追住我問:「你行咁快做咩呀...你急尿呀?」
我心中已經立即回應:「我急屎呀...」
但當時因為都有人係旁邊, 唔方便講呢d野....
所以我只係答佢:「我唔知呀~~~~」=.=""""
另外都有一隻不知名的鬼怪突然走去我身邊吹我耳仔....打冷震~~~ X_X"

K先生話:「鬼屋最恐怖GE地方就係....要你排隊呀...」
真係....一矢中的!!!!! 我地排多過玩..-.-" 雖然都玩左大部份GE鬼屋
我地係入面都係咁尖叫........=.= 好嘈.....
冇計...你見到D公仔都唔知邊個係真人邊個係假...
突然其中一個彈去你面前嚇你WOR... 真係會驚GA嘛~~~ *3*
不過...可能真係大個左喇, 對比上次來哈佬喂已經係中五GE時候
當時真係覺得好恐怖..... D 鬼好似真GE咁
但而家就冇左以前那種好真實GE恐怖感
係驚但都會鼓起勇氣衝過去, 以前真係驚到唔敢衝....

最後坐纜車去返正門那邊
期間我仲錄左段鬼聲鬼氣俾Elaine做來電鈴聲..... (聽返都幾嚇人...=.=")
仲有D鬼屋想玩, 不過都已經好累了, 所以都係放棄
坐亡命飛車小巴返旺角
食埋許留山D糖水解下渴之後先各自返家

P.S 排隊時無聊地影左D樣衰衰GE絕密相片.... 我發覺我地唔駛化妝都可以去扮鬼....=_="

再次出現令人感驚訝的消息!!
James媽媽為我帶來另一位學生: Mrs.Wong
所以...我那密密麻麻的schedule變得更加密密麻麻了.....

星期一 ---- 返工@紅磡
星期二 ---- 返工@紅磡 / 補習2小時 @ 紅磡 (Bond)
星期三 ---- 返工@紅磡 / 補習3小時 @ 旺角 (Mrs.Wong / James / Queenie)
星期四 ---- 返工@紅磡 / 補習2小時 @ 荔景 (Sharon / Vanessa)
星期五 ---- 返工@紅磡 / 補習2小時 @ 紅磡 (Bond) / 跳舞1.5小時@土瓜灣
星期六 ---- 休息
星期日 ---- 休息

Yeah!!! 已計劃今個星期六 (10/17) 與K先生去踏單車!!!! 是一項我喜愛的運動之一 ^-^
而接住的星期日(10/18) 如無意外, 晚上應該會與舞蹈團的同學仔去唱K~*
為了週末的開心活動, 今個星期要好好努力呀!!!!!! \(>0<)/


我的正能量真的是365日無休發放...哈哈!!!!!!!